ایک شاگرد کو شادی سے کچھ دن پہلے کی گئی نصیحتیں:
1: بیوی کو محبت دینا ، اس کے حقوق پورے کرنا ، اس کا ہر طرح سے خیال رکھنا لیکن اسے والدین پر مسلط نہ کرنا ۔
2: اگر تیرے سامنے والدین اور بیوی کا مقدمہ آئے ، دونوں ایک دوسرے کو قصور وار ٹھہرا رہے ہوں تو بیوی کو خاموشی کا درس دینا اور والدین کو معاف کردینے کی ترغیب دلانا ۔
3: اگر والدین غلطی پر ہوں تو انھیں بیوی کے سامنے غلط نہ کہنا ، بلکہ اکیلے میں انتہائی ادب کے ساتھ عرض کرنا تاکہ ان کی دل شکنی نہ ہو ۔
4: والدین اور بہن بھائیوں سے مالی تعاون کرنے کا موقع آئے تو بیوی سے مشورہ نہ لینا ۔
5: کسی کے سامنے بیوی کی تذلیل نہ کرنا ، اس کی غلطی اسے اکیلے میں بتانا ۔
6: بیوی کے سامنے کسی غیر عورت کی تعریف نہ کرنا اور نہ ہی بار بار دوسری شادی کا اظہار کرنا ۔
7: بیوی کی چھوٹی چھوٹی غلطیوں سے صَرفِ نظر کرنا لیکن چھوٹی چھوٹی خوبیوں کی تعریف ضرور کرنا ۔
8: اگر بیوی کسی کی شکایت کرے تو بڑے دھیان سے سننا اور اسے حوصلہ دینا کہ میں آپ کے ساتھ ہوں ۔
اللہ کریم تمھارے گھر کو تمھارے لیے جنت کا باغ بنائے ، تمھاری خوشیاں طویل اور غم قلیل کردے!
(khalid maahmood)